旁門左味之﹕魚 + 羊 = 鮮?

飛沙士今日道牛撞羊，撞得過癮，亦都撞起左我好耐以前思考過既一個技術性問題﹕
話說漢字入邊既「鮮」字，系由「魚」同「羊」兩部分組成。系噤魚同羊呢兩樣九唔搭八既組合，系唔系真系能夠撞到鮮味出黎呢，呢個問題，值得我去研究。
其實我細細個既時候呢，己經聽D老人家提起過呢個概念既啦，似乎系D民間偏方或者私房菜之類既野，但果陣細個唔識野，得個聽字，不明所以。再大D都聽講過徽州菜入邊有道羊肉魚湯之類既野，可惜未有機會試，制法亦都不詳。
當然啦，如果考究返鮮字，於古人而言，未必真系魚同羊既組合既。例如《說文解字》﹕「魚部: 鮮：魚名。出貉國。从魚，羴省聲 」，即系話，最少去到東漢為止，「鮮」其實系一種魚既名，而唔系將羊同魚一齊煮。另外一種網上流傳既講法系，南方人多食魚，以魚為最鮮，北方人多食羊，以羊為最鮮，所以取兩者而合成「鮮」字。姑勿論真徦，似乎以魚羊合煮既概念應該系先有字而後有老饗食到無得好食而創出黎既。
既然而家撞到黎我到，噤我又系時候立案去開發研究呢項技術啦，究竟魚同羊既組合，系我黃邪氏味覺實驗室之中，會得出咩結果呢﹖噤就欲知後事如何，且待下回分解啦~
旁門左味者，邪也~